Ang larawan ay edited sa Canva source
Ngayong araw ay gusto ko na namang magbahagi ng kaibahan ng noon at ngayon sa aming buhay.
May mga bagay ba kayong laging ginagawa noon at ginagawa niyo pa rin hanggang ngayon pero may kaibahan pa rin ang dati at ngayon?
Tulad ng lang ng aking asawa. Ang aking asawa ay naranasan din niyang magbulakbol habang nag-aaral sa kolehiyo. Nahiligan niya ang online game na DOTA. Ang nagturo sa kanya ng laro ay kaibigan niya sa kolehiyo. May isa o dalawang beses siyang hindi pumasok sa klase dahil naglalaro lang siya. Paano ko po nalaman? Ako at ang aking asawa ay maliban na kaklase ko siya noong hayskul ay kaklase ko pa rin siya hanggang kolehiyo. Sa dinarami-rami ng paaralan at kurso na pagpipilian sa kolehiyo at oras ng klase ay sinadya ng kapalaran na kami ay magkakaklase.
Iyong hilig niya ng online game na Dota dalang-dala pa rin niya hanggang ngayon kahit na may trabaho na siya. Ang nakakalamang pa ay kaya na niyang bilhin ang gusto niya. Tulad na lamang nang pagbili niya ng laptop. Ang plano naming mag-asawa ay pang-opisina lang pero di ko akalain habang may inaasikaso akong ibang bagay sa mall at siya lamang mag-isa ang pumili ng laptop. Pagkatapos niyang makabili, hindi ko akalain na gaming laptop pala ang naisip niya. Wala na akong nagawa kundi umayon na lang kasi nabili na.
Kung noon, mag-uunahan pa kung sino ang makagagamit ng computer sa shop para maglaro, ngayon wala na siyang kakompetensiya. Noon may bayad ang bawat oras sa paglalaro, ngayon hawak na niya ang oras at ako na lamang ang timekeeper niya. Ewan ko kung ito ba ay mabuti o dagdag stress sa buhay ko. Hahahha
Kung kayo ay nakarating sa parte na ito habang nagbabasa, ibig sabihin nakuha ko po ang inyong interest.
Maraming salamat sa pagbabasa. Hanggang sa muli. Sana nagustuhan mo ang aking blog ngayon. Huwag niyo pong kalimutan ang suporta sa pamamagitan ng pag-upvote, reblog at paglagay ng comment kung may gusto din kayong ibahagi at naka-relate po kayo sa aking blog ngayon.
Sinulat ni: Maureen S. O
Mga larawan ay pagmamay-ari ng aking asawa: Paul Vincent M. O