ကိုယ်တွေ အဖြစ်ကလည်း ရယ်ရသား။ Telegram airdrop လုပ်ပေမယ့် မျိုးမျိုးမြတ်မြတ်ရမယ့်ကံက ပါကို မပါလာဘူး ထင်ပါရဲ့။ မနည်းမများ ရဖူးတာဆိုလို့ Dogs လောက်ပဲ ရှိတယ်။ အဲ Airdrop တွေ ဆက်လုပ် ဖြစ်နေတာကလည်း Dogs ကြောင့်ပဲ။ သူ့လိုမျိုးလေးတွေများ ထပ်လာ၊ ထပ်ပေးမလားပေါ့။ လက်ရှိ ကျနော် မြင်သလောက် သိသလောက် Airdrop တွေက Dogs လောက် မရိုးရှင်းနေပေ။
ပေးချင်တဲ့သူက ပေးကို ပေးတယ် ဆိုသလိုပေါ့။ ပေးမယ့်အရေး ရက်ရွှေ့၊ လရွှေ့နဲ့။ ပေးတော့လည်း မဆို့မပို့နဲ့ရယ်။ အများစုကတော့ လက်သုံးစကားအရ ပြောရရင် အာသမားတွေ များနေ၏။ Project တွေက ပြောလိုက်ရင်တော့ အကြီးကြီး ထွက်လာတော့ တလွဲ ဖြစ်နေတာမျိုးတွေပေါ့။ လောလောလတ်လတ်ဆို Drago Evolution လိုပေါ့။ သိဘူး သူများ တွေကြထုတ်ရပြီး ကိုယ်က မရလို့။ စကတည်းက လူရွေးပြီးပေးတာပါ ဆိုတာကို ကြိုသိခဲ့ရင် ခုလောက်ကြီး ခံစားရမှာ မဟုတ်ဘူးလေ။
ရမယ့်ဟာကြ နည်းနည်းပဲ ဆိုတဲ့ကိစ္စက Bybit SpaceS ကဟာ။ ဒါတောင် အသိ အကိုက သတိပေးလို့သာ။ သူ သတိပေးပေမယ့် ကိုယ်က အဲ့ Airdrop ကို သူပြောမှ လိုက် ဝင်လုပ်တော့ အရနည်းပြီပေါ့။ Points အများကြီး စုမိထားရင်တော့ များများ ရချင် ရမပေါ့လေ။ ခုမှ လိုက်လုပ်တော့ ကိုယ်ရတဲ့ points က အောင်မှတ်ထက် နည်းနည်းလေးသာပို။ မသိရင် moderation နဲ့ ကပ်အောင် သလိုမျိုး။
USDT 10000 event ကြီးကို ကိုယ်က နောက်ကျမှ သိတာမျိုးက ရင်နာ စရာ။ Points နဲ့ Ton ဆိုပြီး ၂ မျိုး ခွဲထား၏။ Points အတွက်က 3000 USDT နှင့် Ton အတွက်က 7000 USDT ဆိုပြီး ခွဲထား၏။ ကိုယ်က Ton မ hold ထားနိုင်တော့ points ပဲပေါ့။ ဒါတောင် ရထားတဲ့ points က အောင်မှတ်သာသာလေးရယ်သာ။
အစောပိုင်းက Bybit Web 3 wallet နဲ့ ချိတ်တာ ချိတ်မရ ဖြစ်နေခဲ့၏။ VPN သုံး၊ လေး၊ ငါးခု ချိတ်ပြီးခါမှပဲ အဆင်ပြေသွားခဲ့၏။ ချိတ်လို့ရသွားပြီးနောက် စစ်ကြည့်လိုက်တော့ 0.09 USDT ရ၏။ ဘာပဲ ပြောပြော ရသလောက်ပေါ့လေ။
