ဒီနေ့ မနက် မြန်မာစံတော်ချိန် မနက် ၂ နာရီခွဲမှာ ကစားခဲ့တဲ့ Man United vs Bodo ပွဲစဉ်မှာ United တို့ 3-2 ဂိုးနဲ့ အနိုင်ရခဲ့ပါတယ်။ နည်းပြသစ် Amorim ရဲ့ ပထမဆုံး နိုင်ပွဲလို့ ပြောရမှာ ဖြစ်ပါတယ်။ ယူရိုပါလိဂ် 5 ပွဲ ကစားအပြီးမှာ 2 ပွဲနိုင်၊ 3 ပွဲ သရေ ရလဒ် ရရှိထား၏။ လက်ရှိ ယူရိုပါလိဂ် အမှတ်ပေးဇယားကို Lazio, Athletic Club, Frankfurt တို့က ရမှတ် 13 မှတ်စီ (ဂိုးကွာခြားချက်) နဲ့ ဦးဆောင်ထားကြပါတယ်။ United ကတော့ 9 မှတ်နဲ့ အဆင့် 12 နေရာမှာ ရောက်နေပါတယ်။
ဇယားထိပ်က အသင်းတွေနဲ့ 4 မှတ်သာ ကွာတာမို့ Round of 16 တိုက်ရိုက်ဝင်ခွင့် အတွက် အခွင့်အရေးရှိနေပါသေးတယ်။ လက်ရှိ ယူရိုပါလိဂ်မှာ 36 သင်း ယှဉ်ပြိုင်ကစားနေပါတယ်။ ထိပ်ဆုံး 8 သင်းက Round 16 ကို တိုက်ရိုက် တက်ရောက်ခွင့်ရမှာ ဖြစ်ပြီး ကျန် 16 သင်း (အဆင့် 9 မှ 24 ထိ) ကတော့ play off ကစားရမှာ ဖြစ်ပါတယ်။ ဒါကြောင့်မို့ အမှတ်ပေးဇယား ထိပ်ပိုင်း ရောက်ထားရင် ပိုကောင်းတာမို့ လက်ကျန် ပွဲစဉ်တွေမှာ ရလဒ်ကောင်းတွေ ရယူထားနိုင်ဖို့ လိုပါတယ်။
ချန်ပီယံလိဂ်ဖက်ကို ကြည့်ရင်တော့ Liverpool အသင်းက 5 ပွဲ ကစားပြီး 5 ပွဲနိုင်နဲ့ အမှတ်ပေး ဇယားကို ဦးဆောင်ထားပါတယ်။ ဒီတပတ် အိမ်ကွင်းမှာ Real Madrid ကို 2-0 ဖြင့် သူတို့ အနိုင်ကစား ထားပါတယ်။ ယူရိုပါ ကွန့်ဖရန့်လိဂ်မှာတော့ Chelsea အသင်းက 4 ပွဲ ကစားအပြီး 4 ပွဲ နိုင်နဲ့ ဦးဆောင်နေပါတယ်။
UEFA leagues တွေကို ဒီရာသီမှာ ပုံစံ ပြောင်းပြီး ကျင်းပနေတာပဲ ဖြစ်ပါတယ်။ ပြောင်းလဲသွားတဲ့ ပုံစံသစ်ကို ကြိုက်သူလည်း ရှိသလို သဘောမကျသူတွေလည်း ရှိနေပါတယ်။
ဒီနေ့ည မြန်မာစံတော်ချိန် ည 9 နာရီ 10 မိနစ်မှာ Ronaldo ရဲ့ Al Nassr အသင်းဟာ Saudi Arabia pro league ပွဲစဉ် အဖြစ် အိမ်ကွင်းမှာ Damac FC နဲ့ ယှဉ်ပြိုင် ကစားသွားဖို့ ရှိနေပါတယ်။