ပန်းချီ ပန်းပု ပန်းရံ ပန်းတဉ်း ပန်းတော့ ပန်းတမော့ ပန်းတိမ် ပန်းပွတ် ပန်းယွန်း ပန်းပဲ ဟူသော ပန်းဆယ်မျိုး ရှိတာ သိတယ်။
အဲ့ဒီ ပန်းဆယ်မျိုး အကြောင်းတော့ ဂဃနဏ မသိတော့ဘူး။
ဘယ်ဟာက ပန်းချီ၊ ဘယ်ဟာက ပန်းပု၊ ဘယ်ဟာက ပန်းရံ၊ ဘာ်ဟာက ပန်းတိမ်၊ ဘယ်ဟာက ပန်းပဲ ဆိုတာတော့ သိပါတယ်။
ပန်းတဉ်းက ဘယ်လို၊ ပန်းတော့က ဘယ်မျိုး၊ ပန်းတမော့က ဘယ်ဟာ၊ ပန်းပွတ်က ဘယ်လို၊ ပန်းယွန်းက ဘယ်ပုံ တိတိကျကျ မသိတော့ပါဘူး။
ပရိဘောဂ လုပ်နေတဲ့ နေရာတခု ရောက်ဖြစ်ခဲ့တယ်။
ဘီရိုတံခါးချပ် လုပ်နေတာ တွေ့မြင်ခဲ့ရတယ်။
တံခါးချပ်မှာ ပန်းပွင့် ပန်းခက် ပုံလေးတွေ ဖော်နေတာ တွေ့မြင်ခဲ့ရတယ်။
အမှတ်တရပုံရိုက်ယူခဲ့တယ်။
ဒီလို သစ်သားပေါ် ပုံဖော်တာကို ဘယ်လိုခေါ်ပါသလဲ။
ဒါက သစ်သားပေါ်မှာ ပန်းချီကောက်ကြောင်း ဆွဲတတ်ဖို့ လိုမယ်။
ပရိဘောဂ လုပ်တာဆိုတော့ လက်သမားအတတ်လည်း ပါရမယ်။
လက်သမားအတတ်ပညာက ပန်းဆယ်မျိုးထဲ ပါသေးသလား။
သစ်သားပေါ်မှာ ပန်းပုံဖော်တဲ့ ပညာက ပန်းဆယ်မျိုးမှာ ဘယ်ဟာအကျုံးဝင်ပါသလဲ။
သိချင်တာလေး ဒီမှာ ဖော်ပြမေးလိုက်ရပါတယ်။
ဗဟုသုတကြွယ်သော လူကြီးမင်းများ ဖြေကြားပေးနိုင်ပါလား။
