ဖေဖော်ဝါရီ ဆယ့်သုံးသည် ဗိုလ်ချုပ်အောင်ဆန်း
၏ မွေးနေ့ဖြစ်သည်။ မနေ့က ဗိုလ်ချုပ်မွေးနေ့မှာ
ဘေးခြံ ကိုယ်ပိုင်ကျောင်းမှ ကလေးများနေ့ဟု
ဆိုကာ ပျော်ရွှင်ပွဲပြုလုပ်သည်။ သုံးလေးငါးတန်း
ကျောင်းသားလူငယ်များက သီချင်းများသီဆိုသည်။
ထိုကျောင်းသူ/သားများ သီဆိုသော သီချင်းများကို
အချို့သော သီချင်းများကို ကြားဖူးသည်။ အချို့သော
သီချင်းများကို မကြားဖူးပေ။
သီချင်းဆိုရာတွင် ယခုခေတ်ပေါ်နေသော
ဘလုတူးဖြင့်ဖွင့်ရသော ဆောင်ဘောက်များ
ဖြင့် သီဆိုသည်။ တဦးချင်းဆိုကြသလို၊
အုပ်စုဖြင့်လည်း သီဆိုကြသည်။ ပထမဦးစွာ
ဆရာမနှစ်ဦးက သီဆိုသွားသည်။
နောက်ပိုင်းမှတော့ ကျောင်းသူ/သားများ အလှည့်ကျ
သီဆိုကြသည်။ ပထမတော့ လက်ခုပ်တီးအားပေး
ကြသည်။ နောင်ပိုင်းမှာ လက်ခုပ်သံ မကြားရတော့ပေ။
ဒီလိုပါပဲ လူ့ဘဝဆိုသည့် ဇာတ်ခုံကြီးမှာ
အများအားဖြင့် ရှေ့ပိုင်းမှာ လက်ခုပ်တီးသံ
ညံခဲ့ကြပေသိ နောက်ပိုင်းမှာ လက်ခုပ်သံတဖြည်းဖြည်း
လျော့နည်းလာတတ်သည်။
ကျောင်းသူ/သားများ သီဆိုခဲ့ကြသော
သီချင်းများအနက် ကလေးတဦး သီဆိုသော
သီချင်းကို သတိထားမိသည်။ ထိုကလေး
သီဆိုသော သီချင်းက အင်္ဂလိပ်သံဖြင့် သီဆိုခြင်းဖြစ်သည်။
ထိုကလေး ဆိုသောသီချင်း၏ သံစဉ်ကို
ကြားဖူသည်။ မူရင်းသီဆိုသည်ကိုတောမသိပါ။
မြန်မာအဆိုတော်များ အုပ်စုဖွဲ့သီဆိုထားသည့်
သီချင်းကို ကြားဖူးခြင်းဖြစ်သည်။ ထိုသီချင်းကို
ကျွန်တော်က မှတ်မှတ်ရရ ကြိုက်နှစ်သက်ခဲ့သည်။
"ကမ္ဘာကြီးပေါ်မှာ နိုင်ငံတကာရင်သွေးလေးတွေ
အများအပြားဟာ၊ ကံဆိုးနေရရှာတယ်လေ"
ထိုသီချင်းပေါ်ကာစက ထိုစားသား၏ အဓိပ္ပါယ်
အတွင် စိတ်မကောင်းဖြစ်ခဲ့မိသည်။ ထိုအချိန်က
ကိုယ့်နိုင်ငံက သာသာယာယာအေးချမ်းနေသည့်
အခါဖြစ်သည်။
"အပြစ်မဲ့ စင်ကြယ် ကလေးများအတွက်
လူကြီးအပြစ်ကြောာင့် အဖြစ်ဆိုးတွေ မကြုံစေချင်။
တာဝန် ပျက်သူတွေဟာ ပေါ့ဆခြင်း လက်နက်နဲ့
ကလေးတို့ရဲ့ ဇီဝိန်အသက်ကို ခြွေခဲ့သည်။
တို့ချစ်တဲ့ ကမ္ဘာ၊ တို့ချစ်တဲ့ ကလေးတွေ"
ဒီသီချင်းကို ဆိုထားသူများက အသံအားကောင်း
ကြသူများဖြစ်သည်။ နားထောင်ရင်း ကြက်သီး
ထဖွယ်၊ စိတ်မကောင်းဖွယ် စိတ်ကို အမျိုးမျိုး
ဖြစ်ပေါ်စေသည်။ ယခုအချိန်အခါမှာတော့
ထိုသီချင်းထဲက အတိုင်း ကျွန်တော်တို့ နိုင်ငံလည်း
အကြုံဝင်သွားရသည်။ ကလေးများပင်မက
သက်ကြီးရွယ်အို၊ ပျို အိုမရွေး၊ ယောင်္ကျား၊ မိန်းမ
အားလုံး ဒုက္ခပင်လယ်ကြီးထဲမှာ မျောနေကြရပေ
သည်။
@htwegyi
February 14, 2025
