​ဆောင်းဦးရာသီ

HIVE Myanmar မိသားစုအားလုံး မင်္ဂလာပါ။ Hive Myanmar မှာ ကျွန်မ စာမ​ရေးဖြစ်တာ အချိန်ကာလတစ်ခုအထိ ကြာမြင့်သွားပါပြီ။ ​Hive Myanmarမှာ စာ​တွေ မ​ရေးဖြစ်​ပေမဲ့ Game Post​တွေ​​တော့ မကြာခဏ တင်ဖြစ်ခဲ့ပါတယ်။ Risingstar Gameမှာ ​အောင်မြင်နိုင်မလား ​မျှော်လင့်ရင်း ကြိုးစား​နေပါတယ်။ Hive Power​တွေလည်း စု​ဆောင်း​နေခဲ့ပါတယ်။

ဒီက​နေ့​တော့ ​ဆောင်း​ငွေ့​လေးဝင်လာတာနဲ့ စာ​ရေးချင်စိတ်​တွေ ​ပေါ်လာခဲ့ပါတယ်။ ကျွန်မစိတ်ကလည်း ဒီဇင်ဘာတို့ ဘာတို့ဆို စာ​တွေ ကဗျာ​တွေ အလိုလို​ရေး​ရေးမိတက်ပါတယ်။ ​ဆောင်းကို ကျွန်မက အထူးစိတ်ဝင်စားမိတာကိုး။ ပြီး​တော့ သိပ်မ​အေးတဲ့အချိန် ​ဆောင်းကာလ​လေးကို ကျွန်မက မြတ်နိုးပါတယ်။

Image Source

​အထူးသဖြင့် ​ဆောင်းအဝင် အချိန်ကာလ​လေး​ပေါ့ရှင်။ ​ဆောင်းအဝင်ကာလ​လေးမှာ ပန်းရနံ့​တွေကို ကျွန်မ ခံစားမိတယ်။ စံပယ်ရနံ့၊ ဆိတ်ဖလူးပန်းရနံ့၊ မြတ်​လေးပန်းရနံ့၊ ဇီဇဝါရနံ့ ပန်း​တွေကို စုံလို့​ပေါ့ရှင်။ အထူးသဖြင့် ဆိတ်ဖလူးပန်းရနံ့က ​ဆောင်းနဲ့ အလိုက်ဖက်ဆုံးလို့ ကျွန်မ​တော့ ​ခံစားမိပါတယ်။ ဆိတ်ဖလူးပန်း​တွေ ပျံ့ကျဲ​နေတဲ့ မြင်ကွင်းဟာ ​ဆောင်းတွင်းနဲ့ အင်မတန်လိုက်ဖက်တဲ့ မြင်ကွင်းလည်းဖြစ်ပါတယ်။

​ဆောင်းအဝင်​လေးမှာ ​အေးမြမြရာသီဥတု​လေးက လူ့စိတ်ကို ​ပြောင်းလဲလာ​စေပါတယ်။ ပူအိုက်စိုစွတ်တဲ့ မိုးရာသီက​နေ တဖြည်းဖြည်း ​အေးတဲ့ ရာသီ​လေးဖြစ်လာ​တော့ လူ​တွေ အလုပ်လုပ်ရတာ ပင်ပန်းတယ်လို့ မခံစားရ​​တော့ဘူး​ပေါ့။ ဘဝ အ​မော​တွေ တခဏ​တော့ ​ပြေ​ပျောက်​စေပါတယ်။ Hive Myanmar မိသားစု​တွေ​ကော ကျွန်မလို ​ဆောင်းဦးရာသီကို ချစ်ကြလား ​ပြော​ပေးသွားပါအုံး။ အားလုံးကျန်းမာကြပါ​စေ။