Magandang Araw Hive!
Palagi ka bang nag papasada gamit ang pampublikong transportasyon? Dyipni ang ating nakasanayang sakyan patungo sa ating opisina o trabaho. Sa aming lugar ay meron estasyon ng mga dyipni kung saan patungo ito sa siyudad ng Pasay. Datirati ang pamasahe dito ay etneb o bente PhP20.00 at pagkatapos ng pandemiya ngayon ay binago na ito sa trenta o PhP30.00. Okay lang naman kung nag taas pasahe na, maari dahil sa pag taas ng gastusin o ng krudo.
Ngunit ang hindi nag bago ay ang pag puno sa bawat isang dyipni, kung susumahin mo e nakabase ang pag biyahe sa pag puno ng dyip, ang isang dyip ay may benteng katao ang kasya, pero alam naman natin lahat na hindi lahat ng tao ay pare-pareho ng laki, at ito ang katanungan ko sa sarili ko, hindi ba ito ay isang paraan ng diskriminasyon at pagiging insensitibo sa mga sumasakay?
Kung alam mo at naniniwala ka na meron kang karapatan bilang isang mamamayang pilipino, alam mo din siguro na pag ikaw ay nag bayad dapat it ay angkop sa serbisyo na iyong binaayaran, dapat ay ang serbisyo na makukuha mo ay sapat at tama? ang ibig sabihin ko dito ay kung nag bayad ako ng buo sa dyip, ay buo din naka upo ang aking puwetan sa upuan?
Meron kaming tinatawag na "Upong dos". Sa kadahilanan na siksikan at pinipilit ng mga putanginang drayber ng dyip na punuin ang benteng katao sa saksakyan, simula sa estasyon hanggang makarating sa destinasyon, may mga panahon na ako ay naka upong-dos. Kung hindi mo alam kung ano ang Upong-dos ito ay ang proseso ng pag upo sa katiting na upuan natira para sayo na wala kang magagawa kung hindi ay umupo dito kahit na binayaran mo ito ng buo, ibig sabihin nito ay ang dulo nalang ng puwet mo ang nakaupo sa dulong upuan, na pag baba mo sa dyipni, ay may sasabog na kuryente sa binti mo pababa ng paa mo, dahil ito ay manhid na at wala nang pakiramdam.
Ano ba ang pinupunto ko at ang mensahe ko sa artikolo na ito maliban sa putangina ng mga dyipni drayber na gumagawa nito?
Ang Modernisasyon ng Pampublikong sasakyan, isa sa pinaka sabaw na napapansin ko sa taong bayan, ay ang pag kontra nito, marahil ito ay nakasagabal sa iyo patungo sa iyong trabaho, sagabal dahil walang masakyan patungo sa kung saan man, marahil ikaw ay nadala ng iyong damdamin dahil sa drama na pinakita sa iyo ng mga nababalita sa telebisyon. Kung ako ang tatanongin, hindi tayo dapat nag papadala sa bugso ng damdamin lalo na sa aspeto na ito. Dahil hindi tayo dapat pumapayag na merong "Dobleng Huwaran" na mentalidad. Kung gusto natin ng pag babago, kaukulang sakripisyo ang kailangan.
- Mali ang pag aaklas ng mga tangang dyipni drayber at nag titigil pasada, dahil nag pag papahirap sa mga mamamayang pilipino na nag tatrabaho at sila ay nakakasagabal lang lalo, at nakaka dagdag sa problema.
- Ang mga lumang dyipni ay mala 'Frankenstein' dahil ito ay 'substandard' o mababang klase, na nag reresulta at nakadadagdag sa polusyon.
- Kung gugustuhin natin umangat ang kabuhayan ng pilipino, sa kaunti sakripisyo at pag titiis sa modernisasyon ng mga dyipni makakamit natin ang maayos na pamumuhay sa pag tagal.
- Dapat nang ibasura ang mga lumang sasakyan, dapat tanggalin na sa mentalidad ng taong bayan ang pagkupkop at pagkipkip ng mga lumang bagay.
- Kalimitan sa mga Dyipni drayber na ito ay walang lisensya at malimit na resulta ng sakuna sa mga aksidente, tandaan na ang lisensya ay prebilehiyo ng mga drayber na may alam sa batas trapiko.
- Para mas lalong lumawak ang iyong kaisipan, kalimitan sa mga operator o yung mga may ari ng dyipni ay yung mga ulo na nag papatakbo sa LTFRB, nalaman ko ito dahil may mga kaibigan ako na sila ang may ari ng dyipni at taxi bilang kanilang negosyo. kaya ganyan nalamang at kinokontra lagi ang pag babago dahil gagastos pa sila at tapon na ang gumaganang negosyo nila habang sambayanang pilipino ang nihihirapan.
- Ngayon palang nakaka ramdam na tayo ng pag babago sa pamumuhay natin, sa presyo ng bilihin ng gasolina at iba pa, pero tuloy pa din ang buhay diba? kaya maaring mapalitan man ang dyipni ng bago, mahihirapan man sila katulad ng binabanggit nila sa telebisyon, paniguradong makakaraos din ang lahat.
- Wala akong balak gamitin ang #NoToJeepneyPhaseOut dahil gusto ko ng pagbabago sa bayan ko, kung hindi ka papayag na magbago ang pag tanggal sa lumang sasakyan ibig sabihin lang noon ay pumapayag ka na maging mahirap at ayaw mo ng pagbabago at kaunlaran sa sarili mong bayan.
Maaring madami ang magagalit sa sentimyento ko at sa mga sinabi ko, pero para maibsan o madagdagan ang galit ninyo, e gusto ko lang malaman nyo na wala akong pake sasasabihin nyo, kung hindi ka naniniwala sa sinasabi ko, e mag sama sama kayong mga tanga at lumubog sa kumunoy na gusto ninyong pag lubugan at sa barangay ka nalang mag paliwanag isumbong mo na nasaktan ko ang iyong damdamin, tapos sigaw mo sa hangin. At dito nag tatapos ang aking artikolo at eto ang aking Sabaw kwentong Dyipni.
