Araw ng Biyernes, nag file ako ng leave sa trabaho dahil narin sa kami ay luluwas sa Maynila ngayong araw. Sabado ng umaga ang unang iskedyul ni Dyn-dyn sa kaniyang developmental pediatrician para sa kaniyang check-up at assessment.
Maari naman kami umalis nang San Pablo sa araw ng Sabado, ngunit kailangan naming umalis ng bandang alas kwatro nang madaling araw para masiguro na hindi kami mahuhuli. Ang byahe ng bus at ibang pampublikong sasakyan ay madalang sa aming lugar kaya't minabuti nalang namin na magpalipas nang gabi dito sa Taguig.
Magastos at mainit sa Maynila ang Grab patungo sa aming pagtutuluyan ay umabot ng halagang 300 PHP. Mas mahal pa sa naging pamasahe namin sa bus, bagkus malapit lamang naman ang lugar. Siguro nga'y kung may mga PUV na maaaring sakyan ay amin nang nagawa para naman makatipid-tipid kahit papaano.
Mahina ang internet sa lugar, nagkaroon daw ng technical problem ang cable provider gawa nang masamang panahon. Medyo naiintindihan naman dahil sa lakas nang ulan na bumagsak sa ibat-ibang lugar. Kung siguro kami ay nasa bahay ay masayang-masaya ako dahil sa wakas ay umulan na ngunit sa pagkakataong ito ay hindi. Wala kami sa bahay, di rin namin nadala ang aming payong at kahit anong pang protekta sa ulan. In short di kami handa.
Maganda naman ang tinutuluyan namin ngayon, inspired ata ng Santorini sa Gresya dahil sa puti at asul na kulay nang kanilang dingding. Ang tanging naging problema lang talaga ay ang internet dahil narin sa hindi namin nagagamit ang ibang kagamitan dito sa bahay.
Sayang ang TV na maari sana naming gamiting pang Netflix and Chill habang nagbabantay kay Dyn-dyn. Malamig ang aircon at mas nanaisin mo nalang na tumigil sa kwarto. Napaisip nga ako na maari rin pala na ganito kalaki ang lugar ngunit halos kumpleto na ang gamit at parang maluwag parin.
Pagod parin sa maghapong byahe dahil pagkatapos ng check-up makikipagkita naman kami kay @romeskie dahil narin malapit sya sayang naman ang pagkakataon na makapag chikahan bago kami umuwi sa probinsya.
Ayun lang pasensya na at busy ngayong araw. Mahina din ang net ko kaya ngayon lang nakapagbukas.
P.S. Biruin mo yun nagingASEAN Hiver Of The Week 👨💻 @tpkidkai 📈 Bronze To Silver & More 👨👩👧 ang beshy nyo nang walang kamalay-malay. Salamat sa pag subaybay at pagbabasa nitong mga random ramblings ko para magka upvote hahah.