ယနေ့တော့ နောက်ရက်များတွင် ပို့စ်တင်နိုင်ရန် အရှိန်ယူနေပါသည်။ ယခုလထဲတွင် ယခင်လများနှင့်မတူပဲ ဟိုက်ဗ်မြန်မာထဲတွင် ပို့စ်တင်သူများလာသည်မှာ ဝမ်းမြောက်ဖွယ် ဖြစ်ပါသည်။
မိမိသည် လူသစ်တဦးဖြစ်၍ ဟိုက်ဗ်ပါဝါ ဆယ်ဂဏန်းမျှသာ ရှိပါသည်။ ကိုဟင်မှ ဟိုက်ဗ် ၁၀၀ ကို စေတနာဖြင့် ပံ့ပိုးထားခြင်းကြောင့်သာ ပို့စ်များ ကောင်းစွာတင်နိုင်ခြင်းနှင့် မိတ်ဆွေများ၏ ပို့စ်များကို ဗုတ်ပေးနိုင်ခြင်း ဖြစ်ပါသည်။
ယခင်လများကတော့ ပို့စ်တပုဒ်ချင်းစီကို ၁၀၀ ရာခိုင်နှုန်းဖြင့် ဗုတ်ပေးနိုင်သော်လည်း ယခုအခါ ပို့စ်အရေအတွက် ပို၍ များလာသောကြောင့် ၅၀ ရာခိုင်နှုန်းဖြင့် မိတ်ဆွေများ၏ ပို့စ်အားလုံးကို ဗုတ်ပေးပါသည်။ ဗုတ်ပေးပြီးသောအခါ ဗုတ်ပါဝါ ၈၀ ရာခိုင်နှုန်း ကျန်မှသာ နောက်တနေ့တွင် အားပြန်ပြည့်ပါသည်။ ထိုအတိုင်း ဟိုက်မြန်မာရှိ ပို့စ်အားလုံးကို နေ့စဉ်ဗုတ်ပေးပါသည်။
မိမိအနေဖြင့် မိတ်ဆွေများ အကျိုးရှိမည်၊ ဗဟုသုတရမည်ထင်သော ဗေဒင်ပညာအကြောင်းများကို ဆက်လက် ရေးသားပေးပါမည်။ ဤပညာရပ်အကြောင်း ရေးသားခြင်း၏ ရည်ရွယ်ချက်မှာ - မိတ်ဆွေတို့၏ လူမှုဘဝ၌ ကောင်းကျိုး၊ ဆိုးကျိုးများကို ကြိုတင်သိရှိထားပါက ရှောင်သင့်သည်ကို ရှောင်နိုင်ခြင်း၊ ပြုသင့်သည်ကို ပြုနိုင်ခြင်း ကောင်းကျိုးရနိုင်ပါသည်။
ထို့အပြင် အကြောင်းကြောင်းကြောင့် ဗေဒင်ဆရာများနှင့် ပတ်သက်ရမည့် အခြေအနေတွင် ဤဗဟုသုတတို့ကို အခြေခံ၍ ဆရာစစ်၊ ဆရာမှန်များကို ရွေးချယ်နိုင်ပါလိမ့်မည်။ ဆရာတု၊ ဆရာယောင်များကို ရှောင်ရှားနိုင်ပါလိမ့်မည်။
ယခုရက်ပိုင်းတွင် နက္ခတ်ဗေဒင် ရာသီခွင်၏ သဘောသဘာဝ အခြေခံပို့စ်များကို ဆက်လက် တင်ပေးပါဦးမည်။ လိုလျှင်ရစေ၊ ကြိုးနှယ်ခွေဟူသည့် စကားပုံအရ ဗဟုသုတရှိထားခြင်းဖြင့် အကျိုးမယုတ်တန်ရာဟု ယူဆစေလိုပါသည်။
ယုံကြည်ခြင်းနှင့် မယုံကြည်ခြင်း အစွန်းနှစ်ဖက်ကို မျှတစွာ ဟန်ချက်ညီ ထိမ်းသိမ်းနိုင်ခြင်းသည်သာ အကောင်းဆုံးဟု ဆိုချင်ပါသည်။
မိတ်ဆွေအားလုံး ကိုယ်စိတ်နှစ်ဖြာ ချမ်းသာကြပါစေ။
@sayalu
27.01.2022
